Штип, 02.05.2018
Теодора Ноемина Пастоњицки и нејзиниот брат Михаел Тимотеј Пастоњицки од Штип постигнаа огромен успех на престижниот интернационален музички натпревар „Александар Скрјабин“ одржан во Париз.
Деветгодишната Теодора Ноемина Пастоњицки, ученичка во класта на проф. М-р Марија Максимова од државното музучко училиште „Сергеј Михајлов“ – Штип во силна меѓународна конкуренција го освои првото место во категоријата А, а нејзиното поголемо братче Михаел Тимотеј Пастоњицки, исто така ученик во класата на проф.
М-р Марија Максимова, го освои третото место во категоријата Д.
Така одлучи меѓународното жири составено од светски познати пијанисти со кое претседаваше Игор Лазско .
„Ова беше 18 по ред интернационален натпревар на талентирани млади музичари во сегментот на класична музика од повеќе држави. Организатор е Рускиот конзерваториум „Александар Скрјабин“ во Париз. Меѓу стотина деца од цел Теодора и Михаил остварија голем успех“, вели нивната менторка Максимова.
Теодора, како победник во категроријата на најмлади пијанисти настапи и на завршниот свечен концерт во Рускиот културен центар во Париз, што беше уште едно вонредно големо признание за неа.
Инаку, 9 годишната Теодора е ученичка во трето, а нејзниот 13 годишен брат Михаел учи во седмо одделение, и двајцата во ОУ „Ванчо Прке“ во Штип.
