Делчево, 13.02.2019
Максимално вклучување на учениците во изработката на проекти кои ќе донесат соработка со училишта од други држави, подобрување на наставниот процес и односот на учениците кон училишниот инвентар и хигиената во училиштето, се дел од искуствата добиени при посетата на делчевски средношколци на љубљанската гимназија „Полјане“ кои се применливи во делчевската гимназија „Методи Митевски-Брицо“. Овие искуствата беа денеска презнтирани на средбата со градоначалникот на Општина Делчево, Горан Трајковски.
Изразувајќи благодарност за поддршката на градоначалникот Трајковски, професорот Слободан Илиоски истакна дека овие искуства се добредојдени за учениците кои во еднонеделната посета имаа можност и да бидат вклучени во дел од наставата во љубљанската гимназија која важи за една од најквалитетните средни училишта во Словенија.
ИЛИОСКИ: Тргнувајќи од овие искуства и од одличната соработка со наставниот кадар во училиштето „Полјане“, ние ќе преземеме соодветни мерки за примена на овие искуства и кај нас. Посебно би го потенцирал подигањето на свеста кај учениците за нивниот однос кон наставата и дисциплината, односот кон инвентарот и нагледните свеста, со посебен акцент на хигиената на училиштето.
-Тргнувајќи од овие искуства и од одличната соработка со наставниот кадар во училиштето „Полјане“, ние ќе преземеме соодветни мерки за примена на овие искуства и кај нас. Посебно би го потенцирал подигањето на свеста кај учениците за нивниот однос кон наставата и дисциплината, односот кон инвентарот и нагледните свеста, со посебен акцент на хигиената на училиштето. Во таа смисла веќе сме во план за набавка на повеќе корпи за отпадоци за селектирање на отпадот, истакна Илиоски.
На средбата, градоначалникот Трајковски ги потенцираше заложбите на Општина Делчево за подобрување на квалитетот на образовниот процес во средношколскиот училишен центар и во таа смисла истакна дека училиштето треба и понатаму да развива проекти со кои ќе се зацврстува соработката со училишта од европски држави.
-Како градоначалник давам несебична поддршка на овие проекти, бидејќи со тоа се стекнуваат искуства, се отвораат нови видици и се придонесува за подобрување на квалитетот на образовниот процес, но и на односот на учениците и на наставници во тој процес. Во таа насока се и сите мерки кои ги преземаме како Општина во областа на образованието, како што беше Семинарот за роботика одржан во Делчево, но и вклучување на наши ученици на вакви и слични семинари во соседна Бугарија, во Струмица. Исто така, Делчево на 27 март ќе биде домаќин на државниот иновативен камп за претпримеништво од организацијата „Џуниор Ачивмент“ од Македонија, со единствена цел да се подготват младите луѓе за успех во глобалната економија, а неодамна во посета на европската претстолнина Брисел беа и 15 ученици од делчевската гимназија. Финансиската поддршката за ова патување беше од Фондацијата „Бугарско сеќавање“, истакна градоначалникот Трајковски.
Возвратната посета на гостите од гимназијата „Полјане“-Словенија е најавна од 6 до 13 април.
