Штип, 10.04.2018
Зошо го сакам Штип, мојот град ? Затоа шо и он ме сака мене. Ваков или таков Штип секогаш е убав. Градот си има се . Штип е мој град, град у кој сум се родил ,град у кој сум израснал, град у кој работам и живеам.
Не може, а да не го сакам.
Сакам го зашо тука сум го поминал најубавио дел од живото (детството),заради мојто семјество,заради мојто маало каде по ден сме играле топка, а навечер кришум сме ги краделе сливите и кајсиите од комшиските дворови.
Сакам го заради оранжадата на Тоде содаџијата, сакам го заради Славко и неговата прочуена изрека ‘’ГЛЕДАШ СЛИКИ БРЗО РАСТЕШ’’, заради чаршијата ,киното , корзото ,парко кај Бриони, заради првомајските излети у Сутлако , заради Коџалица ,заради Отиња која знае да поплаве , заради Исаро ,заради К’ро каде како деца сме оделе да береме дренки.
Сакам го заради Кумлако кој со својте расцветани миндали ја покажува сета убавина у пролет, заради Клисибаир од каде шо погледо накај Штип е прекрасен. Сакам го зашо за него ме врзуват убави спомени, личности , мојте најблиски.
Сакам го оти тука сум се родил. Сакам го зашо тука се научи да го возам мојот Пони точак .Сакам го оти тука прв пат падна и си го направи белего на ногата кој и ден денеска си го носам. Сакам го Штип оти тука ја доживеа првата љубов. И оваа љубов остана љубовта на мојо живот.Сакам го оти тука го запали првото цигаре, сакам го заради првата игранка у салата на Гимназијата ,сакам го заради Макфест, сакам го заради Ориент со убавите чорби, сакам го заради Заки , Ихмет Јајата ,Тафето….
Сакам го заради Каната и неговите пастрамалии. Сакам го оти летата се изгор жешки, а ветеро силен .
И за крај би напишал сакам го мојо Штип оти тука е мојо дом и тука се осеќам најубаво и можам да зборам, а и да пишувам по штипски …… за исток пресс.
