Свети Николе, 03.11.2020
Деновиве од печат излезе книгата карикатури под наслов „На мој начин“ на авторот проф.д-р Јордан Ѓорчев, карикатурист, писател и поет, претседател на Управниот одбор на Меѓународниот славјански Универзитет „Гаврило Романович Державин“ Свети Никола-Битола.
-Во книгата имам поместено 300 карикатури работени на актулни теми во текот на минатата и оваа година. Текстот во книгата е тројазичен, на македонски, руски и англиски јазик, а печатена е во 500 примероци, вели авторот Ѓорчев.
Карикатурите се објавувани на фан пејџот на Ѓорчев и на инстаграм, а на фан пејџот авторот има над 66.000 следбеници од цел свет.
Издавач на ова капитално дело во македонската литература и посебно карикатура е Меѓународниот центар за славјанска просвета, а за издавачот стои потписот на Михаела Ѓорчева, преводот на руски јазик е на Елена Златева, на англиски јазик преводот е дело на Катерина Видова, графичката обработка на карикатурите е на Роберт Мартиновски и Адриано Панајотов додека дизајнот и компјутерската обработка се на Адриано Панајотов и Благој Митев. Книгата е печатена во Јофи-скен во Скопје.
