Штип, 11.01.2018
Во сабота во 12 часот во Лесновскиот манастир ќе се одржи чествување на Св. Гаврил Велички (Светогорец). Ќе биде посетен неговиот гроб во дворот на манастирот во Лесново.
Чествувањето го организираат Универзитетот ЕФТА од Скопје и Меѓународниот Славјански универзитет Гаврило Романович Державин Свети Николе – Битола. Во делагацијата ќе бидат Јордан Плевнеш, Лилјана Плевнеш, Јордан Ѓорчев, Душан Николовски, Христо Петрески, Иван Бојаџиски, Трајче Кацаров и други. Беседа за Св. Гаврил Велички ќе одржи ректорот на ЕФТА, редовниот професор Јордан Плевнеш.
