Штип, 23.05.2017
Не се знае дали и колкави штети има од поројниот дожд кој проследен со грмотевици во предвечерните часови го зафати Штип и околината, но се знае дека тој ги откри сите импровизации во градбите на главниот штипски архитект, урбанист, надзорник и инвеститор, градоначалникот Илчо Захариев.
Иако бројни стручњаци укажуваа на фактот дека не се става асфалт врз коцка, односно дека не се асфалтира улица без предходна темелна подготовка, нашиот Илчо Нарцис Захариев постапи спротивно од стручните укажувања. Брзајќи да асфалира (излакира) што поголем број улици во градот, Илчо фрли тенок слој асфалт врз старата градска коцка, а постави и асфалт врз асфалт. Нешто посилниот дожд од многу улици направи нови штипски руини, па излезе дека Илчо џабе потрошил стотици илјади, а можеби и милиони евра народни пари на нашето што пропаѓа при првото поголемо невреме.
На есен ќе имаме нови локални избори. Кој и да дојде за нова локална власт прва задача ќе мора да му биде да изврши темелна ревизија на работата на Илчо. Убедени сме дека ќе се откријат мал милион интересни работи кои ќе ни дадат одговор на прашањето дали Захариев џабе трошел милиони евра само за да остави впечаток на посветен градител…
