ШТИП: Слики од Струмичката ликовна колонија пред штипјани

Штип, 07.10.2019

Во вторник (08.10.2019) во изложбениот салон при Домот на култура „Ацо Шопов“, во 12,оо часот, ќе биде отворена изложба на слики од 56-та по ред Струмичка ликовна колонија.

На изложбата ќе биде претставени делата на уметниците кои беа учесници на годинашнава ликовна колонија која траеше од 1 до 12 август.

Посетителите ќе можат да ги видат делата на вкупно 14 уметници од Бугарија, Полска, Грција, Србија, Русија, Америка, и од нашата држава.

Струмичката ликовна колонија е една од најстарите колони во нашата држава, уметници од разни земји во изминатите 56 години насликале над 700 дела, а голем дел од нив се останати во Струмица, а освен во Центарот за култура „Антон Панов“, тие ги красат просториите и на бројни институции и стопански организации во градот под Беласица.