ШТИП: Со поставување камен темелник започна изградбата на затворен базен

Штип, 14.02.2020

Со инвестиција од 600.000 евра Штип ќе добие затворен базен во населбата позната под името „Деснаци“ во реонот на Суитлак. Инвеститори се Агенција за млади и спорт и Општина Штип..

Денеска градоначалникот на Општина Штип, Благој Бочварски заедно со директорот на Агенција за млади и спорт, Дарко Каевски одржаа прес конференција по повод ставање на камен темелник на затворениот базен во населбата Деснаци.

-Денес започнуваме со реализација на едно од најголемите ветувања во владината програма и повеќегодишното барање на граѓаните од Штип, а тоа е изградба на затворен базен. Овој објект ќе придонесе за развивање здрави навики од најмала возраст и развој на пливањето како спорт, од што најголем бенефит ќе имаат младите луѓе и спортистите, изјави директорот на Агенцијата, Дарко Каевски.

Градоначалникот Бочварски потенцираше дека локалната самоуправа направи големи напори за изградба на овој капитален проект кој е од големо значење за граѓаните и спортистите во Штип.

„Вложивме големи напори за почеток на градба на затворениот базен во Штип,“ кажа Бочварски.