Говорел на митинг на опозицијата, останал без работа

Берово, 09.12.2016

Беровецот Драги Аговски, млад човек на 27 години, со сопствен став кон состојбите во државата, се качил на бината за време на митингот на опозициската коалиција предводена од СДСМ, и за триминутен говор спечалил отказ од работата. Со толку висока цена Аговски, дипломиран криминолог со просечна оценка од 9,1 ја платил својата опсесија да ја зборува својата вистина, да се бори и избори за една нормална Македонија која в недела, на 11 овој месец, ќе се збогува со криминалниот и ненароден режим на Никола Груевски.

„На работа чекав цели пет години по дипломирањето. Ни не сонував дека триминутен настап на митинг ќе ме остави без работа, а со тоа и без плата за скромен живот“, вели Аговски.

Тој укажува дека во него денес постои голем револт, бидејќи седум месеци чесно и посветено си ја работел работата, го давал најдоброто од себе. –„За тоа можат да посведочат и колегите, но ете, поради триминутен говор на митинг на опозицијата газдите ме оставија без работа“, посочува Драган Аговски.

Но, тој е упорен, борбен и правдољубив млад човек кој така лесно не се предава пред тешкотиите и неправдите. Вели дека за својот случај известил во регионалната канцеларија на ОБСЕ во Кочани, дека правдата ќе ја бара и пред друѓи мегународни и домашни институции.

„Ги известив сите институции за сите притисоци кои се вршат овде кај нас, не само кон мене туку и кон други слободоумни луѓе, а од понеделник ќе покренам и судска постапка, за да ми се исплатат придонесите за 4 месеци, и здравственото осигурување.

На сите млади луѓе Аговски им порачува дека со молчење ништо не се постигнува, дека тој не се плаши од никого и од ништо и дека јавно кажува за неправдите, а тоа ќе го прави и во иднина.

Дознаваме дека Аговски бил вработен во познатиот комплекс „Бела вода“ лоциран покрај патот од Струмица кон Берово.