Виница, 05.12.2018
По пауза од неверојатни триесет години општина Виница и нејзиното Јавно комунално претпријатие „Солидарност“ набавија нов ровокопач. Машината денес беше промовиран во работниот круг на спомнатото јавно претпријатие, а на промоцијата присуствува и градоначалникот на општина Виница Ивица Димитров како и директорот на ЈКП „Солидарност“ Игор Христов.
„Нашата градежна група досега работеше со ровокопач набавен во далечната 1989 година. Оваа машина ќе помогне на еден побрз и поквалитетен начин да ја реализираме програмата од комуналната сфера, а се во интерес на жителите на нашата општина“, рече директорот Игор Христов.
Според градоначалникот Ивица Димитров ова возило е обезбедено со грант од Светска Банка во висина од 2,6 милиони денари, и дополнителни 1,7 милиони денари се средства од Буџетот на општината, или вкупната вредност на возилото е 4.243.000,00 денари. Веќе во јануари или фебруари месец се очекува да пристигне уште едно возило за подобрување на комуналните услуги, а ќе биде наменето за собирање комунален отпад. Во најава е набавка на уште едно возило се со цел комплетирање на потребите на јавното претпријатие со механизација во насока на сервисирањето на секојдневните услуги од значењеза граѓаните“,. Реч Димитров.
