ШТИП: Продолжува поставувањето пластични флексибилни столбчиња

Штип. 09.04.2020

Општина Штип продолжува со превземање на мерки за зголемување на безбедното одвивање на сообраќајот за која цел се поставени 95 пластични флексибилни столбчиња на следните локации:

– крстосница со улиците Борис Крајгер и Анте Банина,

– улица Славчо Стојменски,

– на ул. Васил Главинов во нивото на крстосницата со мостот кај СОУ Славчо Стоименски

– на ул. Генерал Михајло Апостолски во нивото на крстосницата со мостот кај СОУ Славчо Стоименски,

– на тротоарот на ул. Маршал  кај излезот од СВР Штип,

– на тротоарот на ул. Маршал Тито од крстосницата со ул. Кирил и Методи до Каменик мост со краток прекин (пред Сава Осигурување и Плоштадот),

– на тротоарот на ул. Ванчо Прке кај Стопанска Банка,

Поставените столбчиња имаат и рефлектирачки карактеристики за зголемување на нивното воочување во ноќни услови.

Општина Штип потенцира дека режимот на сообраќај на крстосницата со улиците Борис Крајгер и Анте Банина е променет, односно ул. Борис Крајгер е со приоритет на движење во однос на ул. Анте Банина или спротивно од претходниот режим на одвивање на сообраќајот.

Апелираме до сите граѓани, а посебно до возачите да ги почитуваат поставените сообраќајни знаци и да се движат на крстосницата со зголемено внимание посебно во период на адаптација на новиот режим.

                                                                                                                        (и.б.)