Трамп: Путин си игра со оган

Американскиот претседател Доналд Трамп во вторникот изјави дека рускиот претседател Владимир Путин „си игра со оган“, јавува Ројтерс.

Неговата изјава доаѓа по серија жестоки ракетни и беспилотни напади врз Украина, кои се можеби најинтензивните напади откако Русија ја започна целосната воена офанзива во февруари 2022 година.

„Она што Владимир Путин не го разбира е дека, ако не бев јас, многу лоши работи веќе ќе ѝ се случеа на Русија. И мислам навистина ЛОШИ работи. Си игра со оган!“, напиша Трамп на својата платформа Truth Social.

Кремљ вели дека Трамп е „емоционален“ откако претседателот на САД го нарече Путин „луд“