ШТИП: Бочварски онлајн со невладини за Ковид 19

Штип, 03.07.2020

Благој Бочварски, градоначалник на Штип денс имаше онлајн состанок со Кристина Ампева од Гласен Текстилец, Игор Јадровски од Хелсиншкиот комитет за човекови права, и Симона М. Живкова – локална координаторка на проектот на Хелсиншки комитет за човекови права.

Тема на состанокот беше борбата со Ковид-19, за меѓуинституционалната соработка која постои помеѓу помеѓу Општинскиот и Централниот кризен штаб, и за вклученоста на НВО секторот во целиот изминат период на справување со оваа пандемија.

-Во вакви сензитивни моменти мораме да бидеме транспарентни и да упатиме јасни пораки до граѓаните. Не смееме да дозволиме лажните вести да победат.

Затоа сите заедно едногласно ја испраќаме пораката за целосно и безусловно почитување на мерките за лична заштита. Носење на заштитна маска, одржување дистанца и често миење на раце. Само така ќе успееме да го победиме Ковид-19, рече Бочварски.

Тој упатуи благодарност до Гласен текстилец и Хелсиншки комитет за вклученоста во овој многу важен процес за сите, нарекувајќи ја таа соработка пример за успешност и по најкомплексните здравствени прашања во нашето општество.

-Остануваме во понатамошна комуникација со цел да бидеме будни и да ја следиме состојбата со пандемијата во текстилната и кожарската индустрија во градот”, истакна Благој Бочварски.