САСА: Новогодишен бонус за вработените, пакетчиња за сите деца, пакети за социјално ранливите категории граѓани

Македонска Каменица, 02.01.2020

Рудникот САСА продолжува да ја испишува преубавата приказна за својата општествена одговорност. И оваа година рудникот кој е на трето место меѓу најуспешните и на 19 место меѓу најголемите фирми во нашава држава обезбеди новогодишни подароци за различни групи на граѓани од општината Македонска Каменица и за сите свои вработени. Покрај редовните настани што ги организира рудникот САСА во текот на целата година, на настаните во пресрет на новогодишните празници се обиде на социјално ранливите категории на граѓани да им овозможи да ја почувствуваат топлината и радоста, a најмалите да им овозможи дополнително да ја почувствуваат празничната магија вообичаени за овој период од годината.

81587687_2470273903227942_2828118286607056896_nИмено, компанијата обезбеди новогодишни пакетчиња за сите деца од предучилишна и училишна возраст на територијата на општина Македонска Каменица. Пакетчиња добија и сите лица со посебни потреби во локалната заедница. За лицата и семејствата од социјално ранливите категории Рудник САСА обезбеди и подели специјални пакети со прехранбени продукти  и продукти за домаќинство за да можат и тие да го почувствуваат духот на новогодишните празници.

Исто така, покрај останатите традиционални новогодишни активности за сите вработените во Рудник САСА, компанијата и оваа година, покрај редовната плата, изврши исплата на новогодишна награда за 2019 година на сите вработени кои покажаа голема трудољубивост, енергија и посветеност во работата и со тоа придонесоа за успешните резултати на компанијата.

81609730_542587249804981_5009374121448964096_nНа новогодишната ноќ, претставници на менаџерскиот тим на Рудник САСА ги посетија членовите на дежурните тимови на брзата помош, противпожарната единица и полицијата, како и вработените во рудникот кои беа на работните места, на кои им ја честитаа Новата Година и им предадоа пригодни подароци.

Новогодишните празници се период на дарување и затоа ние во Рудник САСА сме особено среќни доколку со пакетите, подароците и пакетчиња успеавме да придонесе сите кои се дел од оваа заедница да ја почувствуваат топлината и радоста што ги носат овие празници. Рудник САСА отсекогаш бил неделив дел од оваа заедница и така ќе остане и во иднина“, изјави генералниот директор на Рудник САСА, Олег Телној.