ШТИП: Вечерва гостува хрватското трио „МаСеИв“

Штип, 25.04.2019

Во рамките на Уметничката пролет, Универзитетот „Гоце Делчев“ приредува уште едно пријатно доживување за штипјани.

Хрватското трио „МаСеИв“ доаѓа на концерт во Мултимедијалниот центар во Штип. Концертот ќе се одржи во денес (25.4.2019 година) во 19 часот, а влезот е бесплатен.

„МаСеИв“ е трио составено од млади, но исклучително квалитетни музичари од Хрватска. Формирани се во 2006 година и од тогаш до денес настапиле на бројни фестивали во Хрватска и во регионот. Досега и како поединци и како група имаат освојувано бројни награди.

Триото го сочинуваат Марко Бишкун на клавир, Себастиан Тарбук на фагот и Иван Андријевиќ на кларинет.

Тројцата се соработници на Музичката академија при Универзитетот во Загреб.