Големо браво за новинарката и поетеса Сузана Мицева
Струмица, 30.10.2018
Сузана Мицева, македонска поетеса и новинарка која живее и твори во Струмица е добитник на наградата Горан Бујиќ во категоријата млади книжевници – новинари што ја доделува хрватското друштво на писатели и неговиот задарски огранок.
Во останатите категории наградата Горан Бујиќ се доделува на писателот и новинар прим. д-р Мирко Јамнички Дојми.
Во категоријата книжевник – новинар вон границите на Хрватска добитник е црногорскиот поет и новинар Борис Кастел.
Награда за животно дело ја доби Анте Грегов – Јурин.
Секоја година се доделуваат и книжевни награди „Донат” за придонес во развојот на хрватската книжевност.
Наградата е основана од хрватското друштво на писатели и неговиот задарски огранок во организација со весникот „Задарски лист” во чест на прерано починатиот писател, новинар, критичар, есеист и уредник Горан Бујиќ.
Книжевната награда се организира секоја година на 28 ноември на роденденот на Бујиќ, а годинешното доделување на наградите е на 30 ноември во гратската библиотека во Задар.
Доделувањето ќе биде во рамки на книжевна вечер на којашто ќе се зборува за делото на Горан Бујиќ, но и за творештвото на наградените автори.
