Од ковид-19 починаа уште 30 лица, пандемијата зеде вкупно над 3.500 жртви во земјава
Во последните 24 часа се направени 1.682 тестирања, а регистрирани се 457 нови случаи на ковид-19, објави Министерството за здравство, според податоците од Институтот за јавно здравје. И тоа, во: Скопје – 198, Прилеп – 32, Куманово – 30, Охрид – 29, Велес – 25, Кавадарци – 24, Штип – 17, Тетово – 16, Гевгелија – 15, Гостивар – 13, Струмица и Кочани по 9, Струга, Неготино, Свети Николе, Македонски Брод, Виница по 5, Пробиштип 3, Кичево, Крива Паланка, Радовиш и Богданци по 2 случаја, а Ресен, Дебар, Берово и Кратово по еден нов случај.
Заедно со растот на бројот на новозаболени лица од ковид-19, загрижувачки се зголемува и бројката на починати лица од ковид-19. Во изминатово деноноќие пријавени се вкупно 30 починати лица, на возраст од 50 – 84 година, од кои 8 пациенти биле од Скопје, од Прилеп биле 6, од Битола и Охрид имало по 3 починати, од Кочани и Демир Капија по 2 и по едно починато лице било пријавено од Куманово, Тетово, Велес, Струга, Неготино, и Радовиш. Сите починале во болнички услови. Од почетокот на ковид-19 пандемијата до денеска бројот на починати лица од ковид-19 се искачи на 3.503 лица.
Во изминативе 24 часа регистрирани се 700 оздравени пациенти од: Скопје – 291, Кавадарци – 52, Неготино – 42, Охрид – 38, Велес – 36, Прилеп – 35, Куманово – 26, Крива Паланка – 25, Гостивар – 23, Гевгелија – 18, Битола – 15, Струга – 14, Струмица – 13, Кочани – 11, Богданци – 10, Тетово – 8, Берово – 7, Штип, Радовиш и Демир Капија по 5, Пробиштип и Валандово по 4, Свети Николе и Кратово по 3, Демир Хисар 2 и во Кичево, Ресен, Виница, Крушево и Македонски Брод по еден оздравен пациент.
