Со 177.800 основци и 67.200 средношколци започна новата учебна година

Штип, 01.09.2025

Училишното ѕвонче денеска го означи почетокот на новата учебна 2025/2026 година за 245 илјади ученици, односно 177.800 основци и 67.200 средношколци. До Министерството за образование се пристигнати податоци за 17.250 првачиња и 17.230 ученици во прва година во средното образование, но податоците не се конечни, со оглед дека училиштата се уште доставуваат бројки.

Настава ќе има до 10 јуни, а исклучок ќе бидат матурантите за кои редовните часови ќе траат до 15 мај. Обезбедени се учебници за сите ученици, а првпат по седум години ќе има и учебници по странските јазици. Вештачката интелегенција влегува во наставата, а образовни асистенти ќе можат да добијат и средношколци.

Министерката за образование и наука Весна Јаневска вчера на прес-конференција информираше дека во повеќе училишта условите за настава се подобрени, а инклузијата е подигната со ангажирање на зголемен број образовни асистенти во основното и првпат во средното образование.

ШТИП: Во пет Општински основни училишта, во прво одделение се запишани 363 ученици што е за 30 помалку од претходната година. Во четири средни општински училишта, во прва година се запишале 528 ученици од кои најголем дел ги избрале стручни училишта.

-Втора учебна година по ред започнува со учебници за сите ученици. Целосно нови учебници има за седмо одделение во основното образование и за прва година во гимназиите, поради примената на нови наставни програми и најавувам дека овој процес на обнова на наставните содржини ќе има континуитет. Првпат после седум години, учениците ќе добијат и учебници по странски јазици – англиски, француски, германски и италијански јазик, истакна Јаневска, нагласувајќи дека сите се испечатени и над 90 проценти од тиражот е веќе испорачан.

Од оваа учебна година започнува примената на нов електронски дневник кој има значително подобри перформанси од претходниот и наставниците ќе можат да се најават и пополнуваат податоци во секој момент.

Вештачката интелигенција влегува во наставата за што е изготвен сеопфатен прирачник за едукација и на наставници и на ученици, со јасни инструкции за етичка и ефикасна примена на новите технолошки алатки за образовни це

Во Штип во пет Општински основни училишта, во прво одделение се запишани 363 ученици што е за 30 ученици помалку од минатата година. Во четири средни општински училишта – Медицинско „Јане Сандански“, Електормашински училиштен центар „Коле Нехтенин“, Гимназија „Славчо Стојменски“ и Текстилно училиште „Димитар Мирашчиев“ се запишани вкупно 528 ученици,

Најголем број ученици во првите години на средните општински училишта во регионалниот центар се запишани во Медицинското училиште и во ЕМУЦ „Коле Нехтенин“ што говори дека кај новата млада генерација попривлечни стануваат средните стручни училишта за разлика од гимназиското образование кое е во голем пад.