Јужнокорејските истражители го уапсија отповиканиот корејски претседател Јун Сук Јеол

Јужнокорејските власти во средата го уапсија отповиканиот претседател Јун Сук Јеол под обвинение за иницирање бунт, откако во декември тој прогласи воена состојба. Јун Сук Јеол се согласил да се придржува до, како што рече, „незаконската истрага за да избегне крвопролевање“, објави Ројтерс.

Неговото апсење, првото досега за актуелниот јужнокорејски претседател, е најнов развој на настаните за една од најживописните азиски демократии, иако земјата има историја на гонење и затворање поранешни лидери.

Откако пратениците гласаа за негово отповикување по краткотрајната воена состојба на 3 декември, Јун е задржан во неговата резиденција, каде неговото лично обезбедување го блокираше претходниот обид за апсење.

Јун рече дека бил на сослушување за да избегне какво било насилство откако повеќе од 3.000 полицајци маршираа кон неговата резиденција за да го уапсат од раните утрински часови во средата.

„Решив да одговорам на истрагата на ЦИО – и покрај тоа што е незаконска истрага – за да спречам непријатно крвопролевање“, рече Јун во изјавата, мислејќи на Канцеларијата за истраги за корупција за високи функционери (ЦИО) која ја води кривичната истрага.

Јун подоцна ја напушти неговата резиденција во луксузната област позната како Беверли Хилс во Сеул. Тој пристигна во канцеларијата на истражителите, но брзо беше опкружен со обезбедување и преместен во задниот дел од зградата, избегнувајќи ги медиумите кои чекаа.

Властите сега имаат 48 часа да го испрашаат Јун, по што мора да побараат налог да го задржат до 20 дена или да го ослободат.

Адвокатите на Јун рекоа дека налогот за апсење е незаконски бидејќи бил издаден од суд во погрешна јурисдикција и тимот формиран да го испита нема законски мандат да го стори тоа. Налогот за претрес на Јун во неговата резиденција, го нарекува Јун како „водач на бунтот“.

Прогласувањето на воена состојба на Јун ги шокираше Јужнокорејците, ја потресе четвртата по големина азиска економија и беше вовед во невиден период на политички превирања во еден од клучните безбедносни партнери на Вашингтон во регионот. Пратениците гласаа за негово отповикување и отстранување од должностите набргу потоа на 14 декември.

Освен кривичната истрага, Уставниот суд размислува дали да го потврди неговото отповикување од парламентот и трајно да го отстрани од функцијата или да му ги врати претседателските овластувања.

Соединетите држави остануваат посветени на соработката со владата во Сеул и ги ценат сите нејзини напори и граѓаните „да постапат во согласност со Уставот“, се вели во соопштението на портпаролот на Советот за национална безбедност на Белата куќа.

Владиниот портпарол во соседна Јапонија, Јошимаса Хајаши, на дневниот брифинг за медиумите изјави дека Токио „со особен и сериозен интерес“ ги следи случувањата во Јужна Кореја.