Кочани, 06.09.2023
Традиционалната манифестација во чест на белото кочанско злато „Денови на оризот 2023“ ќе се одржи во Кочани од 27 септември до 5 октомври. По тој повод Општина Кочани распиша оглас за организирање хепенинг кој ќе се одржува во назначениот период на манифестацијата.
Хепенингот ќе се случува во Градскиот парк, а почетната цена на јавното наддавање е 5.000 денари со праг на наддавање од најмалку 1.000 денари.
Право на учество имаат сите правни субјекти регистрирани во Централен регистар кои ќе уплатат 10% од почетната цена за лицитација до почетокот на самата лицитација. За успешно јавно наддавање потребно е да учествуваат минимум двајца учесници.
Обврска на закупецот ќе биде да обезбеди минимум пет монтажно-демонтажни објекти и штандови изработени од дрво или плексиглас, за продажба на: храна и пијалаци, сувенири, ракотворби и слично.
Јавното наддавање ќе се спроведе на 11.09.2023 во 12 часот во просториите на Општина Кочани.
Сите останати потребни информации за огласот се наоѓаат на веб страницата на Општина Кочани.
