Русија ја отфрла идејата за европски мировници, Макрон ѝ се заканувал на Москва

Русија ги отфрли европските предлози за испраќање мировни сили во Украина и рече дека францускиот претседател Емануел Макрон ѝ се заканил со тоа што сугерирал дека Москва е сериозна закана за Европа, пренесе Ројтерс.

Францускиот претседател Макрон вчера изјавил во телевизиско обраќање до нацијата дека планира следната недела да одржи состанок на началниците на армиите од европските земји кои се подготвени да испратат војници во Украина по секој евентуален мировен договор со Русија.

Тој, исто така, рече дека Франција треба да биде подготвена ако САД повеќе не се со Франција. Претседателот Доналд Трамп ја промени политиката на САД кон Украина и Русија и побара договор за ставање крај на војната, осудувајќи ја Украина додека разговараше за обновување на врските со Москва.

Макрон оцени дека Русија е „закана за Франција и Европа“, дека војната во Украина е веќе „глобален конфликт“ и дека ќе отвори дебата за проширување на францускиот нуклеарен чадор на сојузниците во Европа.

Кремљ соопшти дека говорот бил крајно конфронтациски и дека е јасно дека Макрон сака војната во Украина да продолжи, додека министерот за надворешни работи на претседателот Владимир Путин рече дека говорот претставува закана против Русија.

„Ова е, се разбира, закана против Русија“, изјави Сергеј Лавров пред новинарите во Москва.

„За разлика од нивните претходници, кои исто така сакаа да се борат против Русија, Наполеон, Хитлер, господинот Макрон не постапува многу грациозно, затоа што барем тоа го кажаа отворено: „мора да ја освоиме Русија, мора да ја победиме Русија“.

Лавров, исто така, ги отфрли европските идеи за испраќање мировници од земјите-членки на НАТО во Украина, велејќи дека Москва ќе смета дека таквото распоредување е присуство на НАТО во Украина и дека Москва тоа нема да го дозволи тоа.