Се урна скеле во Лозана, тројца загинати
ЛОЗАНА - Три лица загинаа, а неколку се тешко повредени кога се урна скеле пред 19-катница во предградието на швајцарскиот град Лозана, соопштија властите.
Тројцата загинати се работници на градилиште на возраст од триесет и четириесет години од Франција, Швајцарија и Зеленортските Острови, соопштија властите во францускиот кантон Вауд.
Во несреќата се повредени уште осум лица, од кои четворица се здобиле со тешки телесни повреди, соопштија оттаму.
Очевидец изјави за Ројтерс дека видел десетици лица за итни случаи и пожарникари на местото на настанот во самракот за да се спречи понатамошно уривање и да се отстрани купот отпад висок околу десет метри.
Јавното обвинителство отвори кривична истрага, соопшти кантоналната управа.
