ШТИП: Градоначалникот Николов во посета на рудникот Боров Дол

Штип, 07.07.2021

На покана на раководството на рудникот за бакар Боров Дол, денес во посета на овој стопански капацитет беше градоначалникот на Штип д-р Сашко Николов.

Ова посета беше од значење бидејќи со пуштањето во работа на рудникот за бакар Боров Дол,  Штип покрај метропола на текстилот, за првпат во својата историја стана и рударска општина, а првиот граѓанин на Штип посака изворно и на лице место да се запознае со она што преставува Боров Дол..

Николов имаше средба и разговори со Павло Кривинскиј, генерален директор на Боров Дол и со неговиот тим, а по средбата штипскиот градоначалник го разгледа површинскиот коп.

Инаку, рудникот Боров Дол зафаќа територија на три општиниа-Штип, Конче и Радовиш и со своите капацитети и планирано производство тој ќе има значителен придонес во економскиот и социјалниот живот на овие три општини.