(Фото) Ќерката на Никол Кидман зачекори на модната писта за која некогаш само сонувала: „Плачев од радост“
Ќерката на Никол Кидман, Сандеј Роуз, се осврна на својот неодамнешен успех на модната писта и сподели емотивна приказна поврзана со нејзината мајка.
Сандеј Роуз, ќерката на Никол Кидман, преку социјалните мрежи го одбележа своето најново професионално достигнување. Младата манекенка се присети како ја гледала ревијата „Vogue World“ со својата мајка и посакувала еден ден да биде дел од неа – а само две години подоцна, тој сон стана реалност.
Ćerka Nikol Kidman o ostvarenju svojih snova https://t.co/5K3WCWules
— Likeaboss (@Instastory88) October 2, 2026
„Пред две години дојдов во Париз со мајка ми и се сеќавам дека слушнав оти токму тој ден се одржала ревијата ’Vogue World‘. Се вратив во хотелот, го пуштив видеото на YouTube и ги гледав сите тие прекрасни жени како чекорат, придружени од музика и настапи. Дури во Милано навистина сфатив дека јас всушност учествувам во ревијата оваа година. Мојата шеснаесетгодишна верзија ќе плачеше од среќа (а мојата осумнаесетгодишна верзија навистина заплака). Навистина сум среќна што сум благословена со вакви искуства и луѓе“, напиша Сандеј на Инстаграм.
View this post on Instagram
Осумнаесетгодишната Сандеј чекореше на модната писта за време на настанот „Vogue World 2026“ во рамките на Модната недела во Милано, што се одржа во септември. Таа изгледаше фасцинантно во проѕирен бел фустан со длабок кружен изрез, широки ракави во форма на ѕвоно и лелеава силуета. Фустанот беше украсен со нежен цветен вез.
Сезоната на модни ревии за пролет/лето 2027 година беше исклучително интензивна за Сандеј, бидејќи таа го имаше своето деби на пистата за модните куќи „Max Mara“ и „Marni“.
View this post on Instagram
Советите на Никол Кидман
Во интервју за насловната приказна на ноемвриското издание на списанието Vogue, Никол зборуваше за советите што им ги дава на своите ќерки додека тие растат под будното око на јавноста.
View this post on Instagram
Кога ја прашаа за омразата на интернет, осудувањето и суровите коментари, актерката рече дека нејзиниот совет е едноставен:
„Едноставно, тргни се од тоа. Зашто тоа ќе те повлече надолу. Ќе те уништи. Тоа многу ме плаши. Но, јас почнав да работам на 14 години, па навистина немам право да ѝ држам лекции.“
View this post on Instagram
Сандеј претходно зборуваше за списанието Nylon за насоките што мајка ѝ ги дава во врска со нејзината кариера.
„Постојат две важни правила. Првото беше дека не смеам да се занимавам со мода пред да наполнам 16 години. Второто е дека училиштето секогаш мора да биде на прво место. На почетокот тоа го мразев, но сега навистина ми е мило што ги имам тие правила, бидејќи ми помагаат да ја одржам добрата ментална состојба.“
