КОЧАНИ: Прва средба на градоначалникот Папазов со свои сограѓани

Кочани, 14.12.2021

Денеска во просториите на општинската зграда, градоначалникот на Општина Кочани, Љупчо Папазов ја оствари првата приемна средба со граѓани на Општина Кочани.

Беа опфатени и дискутирани теми, проблематики и прашања во однос на инфраструктурата, комуналните работи, социјалната сфера и друго.

Ваквите приемни средби ќе се применуваат редовно и во иднина, односно секој вторник од 12 до 14 часот, додека за итни приеми секој работен ден средбите ќе се реализираат во времето од 7:30 до 9:00 часот.

Општина Кочани активно ќе се залага за брзо решавање на сите евидентирани проблеми во заедницата и ќе пружа максимална поддршка за граѓанските интереси.

                                                                                                И.Карова