ШТИП: Вечерва во „Галерија 22“ во Домот на култура изложба на карикатури на Јордан Ѓорчев збогатена со афоризми и убава поезија
Штип, 13.05.2022
Вечерва во 19:30 часот, во „Галерија 22“ при Домот на култура „Ацо Шопов“ ќе биде отворена изложба на карикатури на Јордан Ѓорчев. Присутните на настанот ќе можат да видат стотина карикатури како избор на авторот од неговиот повеќеилјаден творечки опус. Ѓорчев, кој покрај тоа што се бави со карикатурата е познат и како писател и поет.
Вечерта на карикатури ќе биде збогатена со читање на афоризми од перото на Ив.Бој. како и слушање убава поезија од инспиративниот опус на писателот Трајче Кацаров.
Изложба на карикатури во Штип не е одржана подолго од три децении. А токму Штип, после Скопје посветуваше најмногу внимание на хуморот, сатирата и карикатурата и кој го имаше сатиричниот весник „Глог“ како и првото вистинско кабаре во театарот.
И од овој аспект оваа изложба си има свое посебно значење.
