Од утре намалени рестрикциите за движење на граѓаните

Скопје, 22.04.2020

Oд утре, четврток, се намалуваат рестрикциите на движење на граѓаните, објави премиерот Оливер Спасовски.

Секој работен ден, од понеделник до петок ќе биде дозволено движењето на граѓаните од 5 часот наутро до 19 часот. Забраната за движење во целата држава ќе почнува во 19 часот и ќе трае до 5 часот наутро.

За лицата над 67 годишна возраст ќе биде дозволено движење секој работен ден од 5 часот наутро до 12 на пладне.

Младите лица до 18 години ќе може да излегуваат од понеделник до петок од 13 до 19 часот.

Се намалува и ограничувањето на движење за време на викендите.

Од сега забраната за движење за викенд ќе почнува од 15 часот во сабота, а ќе трае до понеделник до 5 часот наутро.

Во сабота, за лицата над 67 годишна возраст ќе биде дозволено движење од 5 часот наутро до 11 часот наутро.

Во сабота, младите лица до 18 години ќе може да излегуваат од 12 до 15 часот.

                                                                                                                         (С.Н.)