Кафе пред или по појадок: Еве што е подобар избор за телото

Времето на пиење кафе може да влијае на варењето, нивото на енергија и шеќерот во крвта, па затоа експертите ве советуваат да го прилагодите изборот на потребите на вашето тело.

Многу луѓе го започнуваат денот со шолја кафе, но експертите истакнуваат дека не е важно дали го пиете пред или по појадокот. И двете навики имаат свои предности и недостатоци, а изборот најмногу зависи од тоа како вашето тело реагира на кофеинот.

Кафето испиено пред појадок делува побрзо бидејќи кофеинот се апсорбира побрзо на празен стомак. Поради ова, може да ја зголеми будноста, концентрацијата и нивото на енергија, а многумина го избираат пред утринскиот тренинг. Сепак, кај некои луѓе може да предизвика проблеми со желудникот, да го зголеми лачењето киселина или да влијае на нивото на шеќер во крвта.

Од друга страна, кафето по појадокот обично го оптоварува помалку желудникот и може да помогне во одржувањето на нивото на шеќер во крвта постабилно. Храната го омекнува неговото иритирачко дејство, па затоа оваа опција е посоодветна за луѓе со чувствителен стомак или дигестивни нарушувања.

Умереното пиење кафе е поврзано со голем број здравствени придобивки, вклучувајќи помал ризик од дијабетес тип 2, заболувања на црниот дроб и мозочен удар, како и подобра концентрација. Експертите препорачуваат дневниот внес на кофеин да не надминува околу 400 милиграми и дека кафето не треба да се пие неколку часа пред спиење за да не се наруши квалитетот на спиењето.

фото/Depositphotos