KOЧАНИ: Општината наградена за напортите за зачувување на природата

Кочани, 16.06.2021

Европскиот зелен појас (European Green Belt) ја наградува општина Кочани за нејзините напори во зачувување на природата. Церемонијата на доделување на признанието е закажана за утре, 17 јуни, во 10 часот во инфо центарот на Пониква.

Европскиот зелен појас ги симболизира глобалните напори за заеднички прекугранични активности за зачувување на природата и одржлив развој. Покрај тоа, иницијативата има за цел подобро усогласување на човековите активности со природната средина и да ги зголеми можностите за социо-економски развој на локалните заедници.

Во сите 24 земји, опфатени со иницијативата, се номинира една општина која најмногу допринела за зачувување на природата. Овој пат одбрана е Општината Кочани, па затоа градоначалникот Николчо Илијев ќе ја прими наградата. На настанот ќе се обрати Габриел Швадерер, претседателот на Европскиот зелен појас и амбасадорката на Германската амбасада, Анке Холстеин.

Настанот е дел од Програмата за зачувување на природата во С. Македонија, проект на Швајцарската агенција за развој и соработка, во соработка со Министерството за животна средина и просторно планирање.