СДСМ ја кандидира Каја Шукова за Град Скопје, Методија Куновски за Битола
Социјалдемократскиот сојуз на Македонија (СДСМ) денеска објави нова група од 16 кандидати за градоначалници за претстојните локални избори, меѓу кои и кандидатите за два од најважните центри – Град Скопје и општина Битола.
Како што соопшти партискиот лидер д-р Венко Филипче на денешната прес-конференција, потпретседателката на СДСМ и поранешна министерка за животна средина, Каја Шукова, ќе биде кандидат за градоначалник на Град Скопје.
„Кандидат за градоначалник на Скопје ќе биде потпретседателката на СДСМ и поранешна министерка, Каја Шукова“, изјави Филипче, нагласувајќи дека нејзината кандидатура е резултат на долгорочна внатрепартиска поддршка и искуство во јавната администрација.
За градоначалник на Битола, кандидат на СДСМ ќе биде Методија Куновски, кој е претседател на општинската организација на партијата во Битола.
Покрај овие две клучни кандидатури, СДСМ ги објави и следниве имиња за други општини:
- Перо Костадинов (Валандово, актуелен градоначалник)
- Гоце Милевски (Виница)
- Ванчо Митев (Зрновци)
- Виктор Велевски (Кавадарци)
- Маја Мојсова Мијовска (Карпош)
- Горан Трајковски (Кисела Вода)
- Анес Ахмети (Маврово и Ростуше)
- Петар Спасов (Ново Село)
- Елизабета Зелениковска (Петровец)
- Петра Лукароска (Прилеп)
- Ристо Спасов (Радовиш)
- Дејан Гичев (Свети Николе)
- Горан Стојановски (Чашка, актуелен градоначалник)
- Светлана Митреска Анџелковска (Брвеница)
Ова е втора рунда на соопштување на кандидати на СДСМ за локалните избори, кои ќе се одржат оваа есен, најверојатн ово октомври. Во следниот период, како што најави партијата, ќе бидат објавени и останатите кандидати во сите општини каде што СДСМ настапува со свои или заеднички кандидати.
