ЦУК: За еден ден имало 33 пожари, во моментот активни се 12

Во текот на изминатото деноноќие евидентирани се вкупно 33 пожари на отворен простор, од кои 12 се се уште активни, пет се под контрола, а 16 се изгаснати. Како што информира Центарот за управување со кризи, се уште се активни пожарите во Василево, Радовиш и Берово, каде на планината Голем Готен и Малешевските планини гори нискостеблеста шума, смрека, грмушки и ниска вегетација, потоа двата пожари во прилепско, каде горат мешана шума и нискостеблеста вегетација, во  Македонски Брод запалена е деградирана дабова шума, грмушки и ниска вегетација, а во Желино, помеѓу Церово и Групчин гори нискостеблеста и деградирана шума.

Активни пожари има и во Петровец, во селото Средно Коњаре, каде крај реката Пчиња гори мешана шума, во Зелениково, во Крива Паланка, каде кај селото Нерав огнот има зафатено висока борова шума, два пожари во Старо Нагоричане и два пожари во Василево, кај делата Сушево и Добрашинци каде горат грмушки и ниска вегетација.

Од ЦУК информираат дека пожарите во Македонски Брод, кај селата Грешница и Латово, во Струмица, Карбинци и во Штип се под контрола, а 16 се изгаснати, меѓу кои и дивата депонија во Шуто Оризари.