KOЧАНИ: КЈП „Водовод“ овозможува плаќање на сметките по електронски пат
Кочани, 07.12.2020
И комуналното јавно претпријатрие „Водовод“ од Кочани го осовременува своето работење користејќи го интернетот како алатка за брзо и безбедно плаќање на сметките од дома на корисниците на своите услуги.
-КЈП „Водовод“ – Кочани ви дава можност за брзо и лесно плаќање на сметките како и внесување на состојбите од водомерите. За таа цел Комуналното јавно претпријатие на својата официјална веб-страница воведе услуга „Брзо плаќање“, на која граѓаните по електронски пат, на брз и едноставен начин можат да ги платат своите фактури за комунални услуги.
Втората услуга што ја воведе КЈП „Водовод“ е самостојно внесување на состојбата на броилото, при што корисниците имаат можност да ја внесат состојбата на броилото и да внесат слика од него. Внесувањето на состојбата на броилото може да се направи во период од 15 до 25 во тековниот месец, информираа од ова претпријатие..
