Академски пленум: Вучиќ отвори врата за ново насилство со помилување на криминалци
Академскиот пленум од Србија остро го осудува насилството пред Правниот факултет во Белград, каде што животот на постар граѓанин беше загрозен за време на мирен собир. Ова е последица на политика во која сторителите се заштитени, жртвите се понижени, а институциите молчат.
Одговорноста за оваа атмосфера лежи на име и презиме: Александар Вучиќ.
Со помилувањата на претходните сторители, Вучиќ испрати јасна порака дека насилството врз студентите и граѓаните е прифатливо ако му служи на режимот. Кога претседателот ја наградува неказнивоста, насилството повеќе не се случува случајно – тоа станува политички метод.
Особено е срамно што сè се случува пред Правниот факултет, место каде што треба да се изучува правото, а не демонстративно да се гази пред него.
Академскиот пленум бара итен одговор од надлежните органи, прекин на политичката заштита на сторителите и распишување предвремени парламентарни избори.
