Студентската листа ќе има 140, а листата на „Единствена Србија“ 103 пратеници

Републичката изборна комисија на Србија (РЕК) утрово објави дека Студентската листа освоила 52,54 проценти од гласовите на гласачите на вонредните парламентарни избори, врз основа на 8.077 обработени гласачки места од вкупно 8.392. Според овие податоци, листата „Единствена Србија“ собрана околу Српската напредна партија (СНС) освоила 39,29 проценти од гласовите.

Листата на Социјалистичката партија на Србија (СПС) освоила 2,18 проценти, Автентичната десница 0,82 проценти, а листата на Европската Србија 0,28 проценти.
Во неделата, според податоците на РЕК, на гласачките места излегле 68,78 проценти од граѓаните со право на глас, или 4.211.957 гласачи. Имало 1,29 проценти неважечки гласачки ливчиња.
Според податоците на ЦеСид, по 96 проценти од обработениот примерок, Студентската листа ќе има 140 пратеници во српскиот Парламент, листата на „Единствена Србија“ ќе има 103 пратеници, Сојузот на војводинските Унгарци ќе има три, Албанската коалиција ќе има два, а листите на Расим Љајиќ-Људски и СДА Санџак ќе имаат по еден пратеник.