В среда во Штип – Регионален форум во заедницата

Штип, 18.02.2019

В среда, на 20 февруари 2019 година со почеток во 11 ч., во хотелот „Изгрев“ во Штип ќе се одржи Првата форумска сесија од програмата „Регионални форуми во заедницата“.

Програмата „Регионални форуми во заедницата“ се реализира во рамките на проектот „Одржлив и инклузивен рамномерен регионален развој“, која Центарот за развој на Источниот плански регион ја реализира во соработка со Министерството за локална самоуправа и Швајцарската агенција за развој и соработка.

Во рамките на предвидените форумски сесии ќе се дискутира за проблеми кои го засегаат регионот и ќе се нудат решенија од кои ќе произлезат проектни идеи и концепти за предлог-проекти. Од овие концепти за предлог-проекти, учесниците на форумот ќе ги изберат најприоритетните, кои ќе конкурираат за реализација од проектниот фонд, а на последната сесија ќе се даде повратна информација за реализацијата на избраните форумски проекти и препораки.

Се покануваат сите заинтересирани невладини организации, претставници од приватниот сектор, образовни унституции, граѓани да учествуваат на форумската сесија.

Пријавувањето на учеството е најдоцна до 19 февруари 2019 година до 12 ч. на: bc.ipr@eastregion.mk