„Студентски Едикт“ новиот масовен протест организиран од студентите и граѓаните на Ниш кој наскоро ќе биде и во Белград
Протестот „Студентски едикт“ започна денес во 9 часот со собирање на студенти и граѓани на четири локации во Ниш – крстосницата на улицата Вардарска и улицата Јован Ристиќ, кај Соборната црква, Нитекс и Медицинскиот факултет. Собирањето траеше до 11 часот, по што учесниците на протестот тргнаа во протестен марш кон Плоштадот на кралот Милан, каде што беше оддадена почит на загинатите при уривањето на настрешницата со 15-минутно молчење. Со тоа започна и официјалната програма на протестот, која треба да трае до три часот по полноќ. Студентите во блокада најавија дека следниот голем протест ќе се одржи во Белград на 15 март, пренесува Н1.
Претседателот на Србија, Александар Вучиќ, изјави дека видел дека огромен број возила пристигнале во Ниш и додаде дека на учесниците на денешниот протест им посакува сѐ најдобро, надевајќи се дека никому од нив нема да му падне на памет да се повторуваат „ужасни работи“ како во Петтата белградска гимназија. Тој додаде и дека поддршката за студентите опаѓа и дека токму затоа ќе преминат на радикализација.
Вучиќ оцени дека има „значителен пад на поддршката“ за протестите што се одржуваат низ цела Србија и дека „сега мораат од цела Србија да доаѓаат на едно место за да прават големи хепенинзи“, како што беше денес во Ниш. Тој исто така изјави дека „додека е жив, нема да дозволи владата да се избира на улица“.
Студентите во блокада го најавија следниот голем протест, кој ќе се одржи во Белград.
По овој голем протест во Ниш, студентите во блокада ќе одржат голем протест во Белград. Студентите во Ниш делат флаери на кои се наведени времето и местото на следното собирање. Протестот е закажан за 15 март со слоганот „15. За 15 – те чекаме!“
Точно во 11:52 часот, повеќе стотици тони бетон се урнаа врз 17 лица. Четиринаесет од нив загинаа на самото место. Уште една жртва почина на 17 ноември. Уште двајца млади, Теодора и Вукашин, се на лекување со такви повреди што нивниот живот никогаш повеќе нема да биде ист.
