ЈУБИЛЕЈНА ИЗЛОЖБА И ПРОМОЦИЈА НА МОНОГРАФИЈА „50 ГОДИНИ ЛИКОВНА ХРОНИКА НА ОХРИД“ ОД СЛАВКО УПЕВЧЕ

Охрид, 6 јули 2019 (Либертас)

– Познатиот ликовен уметник од Охрид, академскиот сликар Славко Упевче, синоќа, прослави редок јубилеј – 50 години од првата самостојна изложба.

Во атрактивниот галериски простор во Куќата на Робевци во Охрид, отвори ликовна постановка, а, исто така, ја промовираше монографијата 50 години ликовна хроника на Охрид.

Славно Упевче е автор на тесктот, дизајнот е на неговиот син Никола Упевче а преводот на англиски го направи катерина Упевче – Потер.

Печатена е во „Коста Абраш“ во Охрид.

На едно место се изложени повеќе од 50 оригинални дела, од разни фази на уметничкото творештво на Упевче, а ќе биде презентирана и неговата монографија.

-Охрид мене ќе ми остане трајна преокупација. Има толку многу моменти во 365 дена од годината кои заслужуваат да бидат забележени и овековечени но не фотографски туку во секоја слика авторот остава дел од себе, како тој го доживува тој предел. Јас го сакам Охрид во сите годишни времиња, а го сликам архаичното, она што е чисто охридско, што го нема во другите градови. Ја сликам атмосферата. Ја сликам светлината на градот, на Лихнидос, вели Упевче.

Јубилејната и ретроспективна изложба на Упевче ќе биде отворена до 18 јули.

В.М.